الأربعاء، 8 ديسمبر 2010

ديسمبر


أذكر يوم أن فاجأني هذا الشاب وقال وسط الحضور بصوتٍ مرتفع :- انتي برج الدلو مش كدة ؟.

ابتسمت باندهاش :- اه فعلا أنا برج الدلو انما انت عرفت منين؟

أجاب بابتسامة هدأت على شفتيه :- أصلك مبتسمة طول الوقت ودي صفة من صفات برج الدلو .

حقيقي أنا لا أعلم سر ابتسامتي الدائمة رغم أنني أَبِيتُ في حزنٍ عميق ولا أعرف هل من كتب صفات برج الدلو قد

أدرك أن ابتسامهم يخفي حزن دائم أم اكتفى بالظاهر وحسب؟

أكتب لأُحصي أيّ المواقفِ في عامي الذي شَرُف على المُضيّ أسعدتني بحق ..أحاول فعلا التذكر لكن لا أقع على شيء

كلها ابتسامات عابرة أحاول بها الخروج من كوابيسي التي لاتنقطع.. شيء واحد ربما أسعدني هو أنني قمت بغزل كوفية

وجورب من الصوف لأقابل ديسمبر وأنا في تمام الدفيء لأنني أعلم أنه لايرحم وحدتي

فقد صار البرد عجوزا يجلس في غرفتي أتم الستين شتاء وأنا قد أقنعت نفسي بصداقته حتى

غزلت الصوف..ولكني أشعر أن العام القادم كله سيكون خاضعا لديسمبر

كم أنت قاسٍ وأنانيّ ياديسمبر قد أرسلت ثلجك لكل شهور القلب الوحيد جدا

في عامي الجديد أتمنى أنا أرى زهر اللوز .. أن أجري في هواء بارد ومنعش حتى تحمر أطراف أنفي فأبتسم بصدق

أتمنى أن ألد ديواني الأول ..ألا أشعر بالبرد ثانيةً !

هناك 3 تعليقات:

مجرد حلم صغنتوت يقول...

هو انتي برج الدلو؟ بتاع سعيد صالح؟؟؟ :D

ليه يا بنتي الاكتئاب ده بس
طيب افتكري ان في السنة دي اشتغلتي معانا.. كفاية اننا كنا مع بعض

وازاي مفيش حاجة تانية حلوة حصلت؟ هو كل حاجة قلبت باكتئاب ولا ايه؟ :S

ربنا يبعد عنك كل برد
ويا رب الديوان الاول يتولد
ويا رب الابتسامة الصادقة دي ترجعلنا كلنا :)

Zianour يقول...

ازيك يا بنت يا حلوة
ادام الله الابتسامة والابتسامة مفتاح لو تعلمون!!

تلج بقى بآمارة ايه انشاء الله؟؟ مش من المنصورة بقة ولا ايه

متخافيش
الصوف هيدفيكي وحاسة كده انه لونه برتقاني ليه مش عارفة

المهم يا ستي ربما تلدي عن قريب محدش عارف
ومسألة الولادة دي سيبيها للوقت المهم تعيشي وتتدفي بالصوف وتستأنسي ديسمبر

والمنصورة عاملة ايه دلوقتي ؟؟ يعني شارع البحر كده والمشاية والمختلط وسوق ستوتة كله تمام ولا مستسلم لديسمبر ؟؟؟

بوسات كتيرة ليكي

Dr. wessam kabil يقول...

دعاء
ههههههههههههه أيوة ياختي أنا برج الدِلو الدِلو الدِلو

دا الاكتئاب بتاع الكتابة بس لكن انتي عرفاني مش ببطل هزار وضحك ولا ايه ؟

وانتي طبعا احلى حاجة حصلت في السنة دي بس مرضتش أقول عشان ماتتحسديش :-)


zianout

ايه الكلام الحلو ده ؟
التلج ده ديكور ماتخافيش المنصورة لسه زي ماهي بس والله الاسبوع اللي كتبت فيه البوست ده كان الجو برد ومطرة يعني برد وخير

طيب انا فعلا هسمع كلامك وأسيب الولادة دي لوقتها بس ربنا يقرب البعيد

بوسات اكتر ليكي