الأحد، 9 أغسطس 2009

عادي .. وبيحصل


احساس صعب انك تصحى من النوم مفزوع من كابوس انك بتدفن ابنك اللي لسه مجاش اصلا . واول ماتفتح عيونك
تحس انك بتتدارى في ضل شجرة ركبتك حاضنه راسك بتتغطى بالضل من حاجة بتسحب روحك وتشدك جامد.
فجاة السما اللي انت بتنغزهاكتير بالدعوات والفضفضة وهي مابتسمعكش خالص وتبص عليك من خرم النجمة وانت
بتعيط بمنتهى البرود طلعلها دراعات و بتطبطب عليك .
او يمكن مثلا تعيد المشهد من الاول وتقول انك قمت مفزوع لأن الشخص اللي انت بتحبه مايستهلكش واللي انت واثق
انه لا بيحبك ولا انت كمان بتحبه بس بتعتبره زي السما دايما لاوحة راسك وحاسسها فوقك بتحميك حتى لو مش
لامسها . وبدل ماتكتب كل السطور دي قمت كلمت حد .. حدين بترتاح ليهم او عايز ترتاح وخلاص ..تفتكر انت ارتحت
في اي منظر؟
تفتكر التلج اللي قعدت تخزنه في الفريزر رطب قلبك الملتهب او حتى وشك السخن من كتر البكا!!

هناك تعليق واحد:

romansy يقول...

خير اللهم اجعله خير
احساس صعب قوى اننا بعد تعبنا دا منلاقيش حد يفهمنا ونفهمه
حد يحس بينا نحكيله نشكيله
مفيش ولا اى تلج يقدر يرطب قلوبنا غير كلمه طيبه من حد بنثق فيه