الأحد، 9 يناير، 2011

أغنية :- حدوتة وطن

video

كلمات الأغنية

سبع شمعات على عتاب السنة قايدة
سلالم بور
مافيش فايدة..يضل النور
ويشرد ف الطريق منا
ونلقى الدمع ف عيونا
وطن مكسور


قلوبنا كانت ع الساعات
مستنظرة العام العام
ويتيمة يافرحة بلدنا
مسروقة منا ف كل عيد

وصبح ميلادِك بالسواد
مرسوم على وشه الحداد
وبدري بدري احلامنا خلصت
متبعترة ف دم الولاد


كانت صديقتي واسمها مارثا
والحب بينا في الضلام مرسى

رحنا لنلعب بأحلامنا البريئة
شفت القمر ..شفت الحقيقة
خدها القمر خباها في خدوده
ليا هناك صرخة في موت الصبي
ودعوة ف صعوده.

ليا هناك دمعة ف جراح كل المكان
كورة شراب بتلمنا
جرس الكنيسة وفسحتين
وآدان


وعيدية من جارنا القديم مينا
وصحبة طول الزمن
حدوتي كانت في الشارع ده ياأمي
حدوتة وطن


هناك تعليقان (2):

dr.7assas يقول...

اغنية رائعة جدا

يارب تشوف النور و تتسجل لأنها بجد مالهاش حل

كلمات و لا اروع
علي قد بساطتها شايله جواها معاني كتير
اتمني اشوف مزيد من ابداعاتك قريبا
بالتوفيق ديما

lam يقول...

Thanks for your sharing!
I am operateing Wedding Dress Shops and Christian Louboutin Shoes, you may find you favorite there if you have a look. I believe everyone have a lovely babe to dress up, just like my wife. There is my shoes:
Christian Louboutin Shoes
Christian Louboutin Pumps
Wedding Dress Shops
Sorry for the bother, God bless you.