رسمة قمر بعيد .. امل كعوش.. مدونة ميرون
نفسي أفاجاك بكباية عصير متلجة
وانا بفتحلك الباب
واقولك وانا ببوس الهوا
الواصل بنا
الجو حار مش كده؟
عارفة انك هتتنرفز من مفاجئتي
بس مش هتقدر تتداري ابتسامتك
هقلك قبل ما تطير الابتسامة
انت تستاهل كل الحلو اللي جاي
واحط نفسي في طاقة الحلم الخارجة
منك
عشان احقق رغبتك
اني اكون مجرد طيف
بس تعرف
مش هقدر أنسى ابتسامتك
ولا سرعة ايدك
وهي بتخبي الدفا اللي
وقع مني في خيالك
قبل ماختفي
علشان تلقاني
بفتحلك الباب
بنفس المفاجأة
في ديسمبر
هناك تعليق واحد:
في ديسمبر
وهي بتخبي الدفا
جميل قوى
إرسال تعليق