أنا رقيقة الطبع
ومن طبعي الدلال
ورغم ذلك خطيت
فوق ألف ألف محال
وانا الشقية في كل صفحة
عشق
والمستحية بكل ذوق
وجمال
وبسّمي نفسي جريئة
واعمل شجيعة السيما
وأحمر خدودي طبيعي
م الكسفة والتسهيمة
انا نص قلب عجوز ونص قلب شباب
وبخبي حبي ورا كوم هدوم في دولاب
وبستمنى اللي يقدر يكسر الأبواب
يفتح يلاقي القلب
خزينة من فضة
يضحك يقول أخطفها وأتوضا
وبنفس صوت الضحكة أترجي
الضحك طبعي والدلال غلّاب
أنا ابتسامة عشق عايمة على المية
ونظرة بريئة بجد مليانة حنية
أنا لون بياض الشيب والعيب
دا ما يصحش
وأنا الشباب في المشيب
لو صرت يوم ليا
سلمت يوم ع الجدع
ذاد الأمل فيا
وفضلت فاقدة الوعي
متكهربة شوية
سلام دا ولا حضن
ولا سلام نيه .
هناك 8 تعليقات:
جميله جميله ياوسام بجد
مشتاقه جدا اسمعها بصوتك اللقاء الجاى
لازم بجد مفيش اى حجج ولا مبررات هتقوليها هتقوليها
يارب تكونى بخير
أنا ضحكت من قلبي كثيرا هنا ..
ضحكت بجد .
تسلمي
رحيل
بجد والله؟!
ههههه
صدقيني كتباها بدلع وحساها هبلة
انتي بتتكلمي جد فعلا حلوة!
الباشا الكبير محمد بيك العدوي
ابقى افتكر الجمايل دي
ربنا مايحرمك من الضحك أبدا وشد حيلك وخلص جيش علشان نشوفك في لقاء المدونين..مفتقدينك كتير
وسام
هقولك ايه بس
والله انا انشكحت لما قريتها قبل مسمعها منك وانشكحت لما سمعتها منك وبنشكح كل مرة اقراها دلوقتي
بصي انا مش هعلق بس نفسي كنتي تاخدي بالك وانا بسمعها
او تاخدي بالك ان محدش سمعها ومنشكحش
وميرسي لسارة اللي كانت السبب اننا نسمعها لايف من جنابك
دمتي مبدعة ودمنا منشكحين
ايه الكلام الحلو ده اللي كله دلع
انتي من يومك جميلة الطبع و كلك أمل
بجد احساسك تحفة و كله شجن
وسام يا جميلة ... ربنا ما يحرمناش من ابداعاتك ابدا.
كلكم ميرسي جدا جدا
بس أخدتوا الكم انتا من "رقيقة الطبع "
كذبة بيضة والله
الباشا أمجد
ربنا يفرحك دايما يا رب
نور قلبي
ربنا ما يحرمني انا منك
مش عارفة بتبصي ع التعليقات اللي ع البوستات القديمة ولا لأ
بس القصيدة دي حلوة بجد:)
alexandmellia
من حظك اني بصيت .. ربنا يخليكي
شكرا بجد على رأيك
ومبسوطة بزيارتك
إرسال تعليق