أحلى فرحة لعام 2009 .. واضح إن العام سعيد .. ولإن ذكرياتنا للعام اللي فات بتحفظها الصور فلازم يكون عندنا نيجاتيف بس مش أي نيجاتيف .. " نيجايف يحيى قدري "
ألف مبروك يا يحيى على صدور ديوانك الأول " نيجاتيف "
الديوان ان شاء الله هينور معرض الكتاب
ألف مبروك يا يحيى على صدور ديوانك الأول " نيجاتيف "
الديوان ان شاء الله هينور معرض الكتاب
"موجود في معرض الكتاب عن سلسلةمطبوعات جماعة إضافة الثقافيةدار نشر المحروسة"
أوعدكم هتقروا لأحلى شاعر عامي حداثي في مصر .
بالزمة مش أحلى فرحة ؟
نيجاتيف
كل الصور اللي اتبقت
من فيلم قديم
مانتش فيها
فوق التسريحة
تحت إزاز الكومودينو
خرابيش صفرا
كاحتة الملمح
نيجاتيف بهتان
لوشوش سمرا
بعيون حمرا
كانت فاكرة إنها على طول باقية
وكإن ذنوب أيامك
أكتر م اللي تخلي الدنيا
جنة عليك
مستخسرة فيك الذكرى
يكفيك خرابيش
ع الوش اللي تشك إنه بتاعك
اكمنه بيهرب منك
باعك
ولا حدش يوم بيفكر
مين كان واقف
أخد الصورة
من قصيدة نيجاتيف ديوان " نيجاتيف " للشاعر " يحيى قدري ".
هناك 5 تعليقات:
ربنا يفرح قلبك كمان وكمان بس هو البوست فين
تحياتي
كاتب مصري
معلش سامحني
أصل من كتر الفرحة نسيت أحط البوست
بس أنا حطيته أهه خلاص
اتمنى انك تفرح زي ليحيى
تحياتي
هشتري الديوان ده على مسؤوليتك
مودتي
كاتب مصري
هههههههه
على مسؤليتي ماشي
بس لو عجبك قوي هتديني حقي ناشف
ان شاء الله هيعجبك
قادتنى قدماى بالصدفه لاى مدونتك الجميله ساقراها على مهل
الف الف مبروك ليحيى ومبروك ليك ولينا
إرسال تعليق