تك ... تك ... تك
من غيظها ولا سحابة صوت
وقلم حجارته خلصانة
مرشية بيه من أجل القوت
وعلم يا سيدي على الكتكوت
...
تك ...تك... تك
قفلوا اللجان وإدوني كمان
عريس حلاوة من أبو سحتوت
فرحت بيه ما أنا بنت بنوت
قلمي اللي كان ويايا
والباقي من مالي معايا
طبعا مفقود
عمال يعاند أوراقي
وكلامي والفكر الباقي
في الهوا بيفوت
وآلام بتنشر في عظامي
مع ان روحي معاندة الموت
عناد وكبر ديمقراطي
ديمقراطي ؟!
طب وقراطي في الكون
مفقود؟
طربيزة واسعة ودايرها
حقد مثالي في العين محطوط
والاسم أهلي وأحبابي
بنيّن في شق الكره بيوت
والكره رمزه ديمقراطي
والخير في ايد الغير مشحوت .
بقول ايه
أطباق بتخبط في بعضهم
مع انهم واقفين مظبوط.
هناك 6 تعليقات:
حلو باب حارتكو يا بنت بياع البسبوسة
تجربة جميلة في أفكارها ... وجوها وما تشيعه حولها.
الزجل حسب ما أنا بشوف مش شهل . ومينفعش يستسهل .. مس كلام والسلام .. يمكن اللغة الفصحى قادرة جدا على حمل أكبر المعاني وانت حر في أن تكون لغتك على قد فكرتك .. لكن في العامية الامر يختلف .
كان شوقي بيقول انا لا أخاف على الفصحى ممن يكتبون الزجل الا من رامي . على أحمد رامي .. لأنه كان يكتب الزجل بحس الشاعر ولغة الشاعر ..
وتقريبا هو اول واحد كتب زجل على اوزان الخليل
كان بيكتب اصلا عامية علشان خاطر أم كلثوم ..
.............
في الآخر
يارب نشوفك شاعرة تكتب زجلا مش زجالة والسلام
ونبروك المدونة يا سيدتي
بصراحة شعر رائع جداا
انا مش بيعجبنى الشعر اوى
لكن لما بلاقى خاحة رائعة زى دى بقف عندها كتير و بعفظها
بارك الله فيك اخيتى
د.محمد العدوي
شكرا على الرأي الجميل ده. أنا بكتب فصحى برده بس بكتبه لنفسي لكن بعشق العامي والزجل . وراضية اني اكون زجالة وقاصة والسلام.
مبسوطة بدخولك وبقصصك.
أدهم
يهمني جدا رأيك ..
والحمدلله ان رأيك طلع حلو
يارب يعجبك كل الازجال الجاية
سعيدة بمعرفتك
انت قافلة التعليقات فوق ليه
حلوة اللوحة اللي انت راسماها ..
حلوة لدرجة اني شغلت الليلة الكبيرة علشان اسمعها ..
:)
إرسال تعليق